गर्भावस्थेत सेक्स करावा किंवा नाही ?

गर्भावस्थेत सेक्स करावा किंवा नाही, या काळात सेक्स केला तर आपल्या पत्‍नीच्या उदरात वाढणार्‍या आपल्या बाळाला किंवा आपल्या गर्भवती पत्नीवर कोणता परिणाम होऊ शकतो, अशा प्रकारचे अनेक प्रश्न आपल्या मनातही येत असतात. स्त्रीच्या उदराची गर्भावस्थेत वाढ होते, तशा तशा स्त्रीच्या समस्या या वाढत जात असतात. यामुळे अशा अवस्थेत सेक्स करताना मोठी जोखीम आहे. गर्भवती महिलेच्या वाढलेल्या उदरावर कोणत्याही प्रकारचा दबाब हा भ्रूण व गर्भवती महिला यांच्यासाठी अतिशय धोकादायक ठरू शकतो.

डॉक्टरांचा सल्ला घेऊन विशिष्ट प्रकारच्या आसनाचा अवलंब करता येऊ शकतो. गर्भधारणेच्या सहा ते सात महिन्यापर्यंत सेक्स केला जाऊ शकतो. परंतु, त्यातही मोठी जोखीम असते. आसन अशा प्रकारचे पाहिजे की‍ सेक्स करत असताना स्त्रीच्या पोट किंवा गर्भावर कोणत्याच प्रकारचा दबाव पडता कामा नये.

गर्भधारणेपासून सात महिन्यापर्यत सेक्स केला जाऊ शकतो, असा उल्लेख आयुर्वेदातही करण्यात आला आहे. परंतु गर्भ मुलाचा असेल तर स्त्रीची संभोगाची इच्छा फारशी नसते आणि जर झाली ही तर ती फारच कमी असेल. मुलीचा गर्भ असेल तर स्त्रीची संभोग करण्याची इच्छा नेहमी जागृत असते, असे आयुर्वेदात म्हटले आहे.

काही महिलांना गर्भावस्थेत शारीरीक व मानसिक थकवा अधिक येत असल्याने त्यांना सेक्सचा आनंद घेता येत नाही. गर्भावस्थेत नेहमी उदास असलेल्या महिलामध्ये उर्जा व उत्साह निर्माण होत नसल्यास सेक्सच्या आनंदापासून त्यांना वंचित रहावे लागत असते. काही महिलाना गर्भावस्थेत रक्तस्त्राव किंवा योनी पीडा होत असल्याने आपल्या पतीला सेक्स करण्यास मज्जाव करत असतात.

पहिल्यांदा गर्भधारणा झालेल्या महिलांची पहिल्या आठवड्यात सेक्स करण्याची मुळीच इच्छा होत नाही. परंतु दोन ते तीन महिने उलटल्यानंतर या महिला सेक्सचा परिपूर्ण आनंद घेण्याची इच्छा व्यक्त करतात. प्रत्येक दिवशी सेक्स व्हावा, असे त्यांना सारखे वाटत असते.

पुरुषानी आपल्या गर्भवती पत्नीच्या सहवासात अधिक काळ राहून तिची इच्छा पूर्ण केली पाहिजे. परंतु, काही महिला या होणार्‍या बाळाविषयी अधिक उत्सुक असतात. त्यामुळे पतीची लहर ओळखण्‍याकडे त्या फारसे लक्ष देत नाहीत. या काळात पुरूषांनी पत्नीला समजून घेणे महत्त्वाचे आहे.

गर्भावस्थेत सेक्स करताना सुविधापूर्ण व आरामदायी आसनांचा काळजीपूर्वक अवलंब केला पाहिजे. मात्र, गर्भावस्थेत शक्यतो सेक्स न करणेच योग्य. या अवस्थेत स्त्रियाना अधिक आराम करू दिला पाहिजे. या संदर्भात दाम्पत्याने डॉक्टराचा सल्ला घेणेच योग्य ठरेल.

5 comments

Leave a comment

Your email address will not be published. Required fields are marked *