जन्माष्टमी विषयी तुम्ही हि माहिती कधीही वाचली नसेल… 1

मणिपूर मध्ये जन्माष्टमी हि कृष्ण जन्म या नावाने राजधानी इम्फाल येथील दोन मंदिरात साजरी केली जाते. पहिले महोस्तव गोविंदजी मंदिर आणि दुसरा International Society for Krishna Consciousness मंदिरात…

दक्षिण आशिया खंडात खालील समुद्री भागातील देशात मोठ्या प्रमाणात हिंदू आहे येथे गयाना,त्रिनिनाद, टोबागो,जमैका आणि डच कॉलनी ऑफ सुरीनाम येथे जन्माष्टमी साजरी केल्या जाते. येथील जास्तीत जास्त लोकसंख्या उत्तर प्रदेशातील लोकाची आहे.

जन्माष्टमीला कृष्ण जन्माष्टमी, साटम आथम, गोकुळाष्टमी,अष्टमी रोहिणी,श्रीक्रीष्णा जयंती, श्री जयंती या नावाने साजरी केल्या जाते. जन्माष्टमीचे कारण श्री

क्रिष्णचा जन्मदिवस जे विष्णूचा आठवा अवतार आहे असे मानतात. श्रावण महिन्यात पौर्णिमेच्या अष्टमीला श्रीकृष्णाचा जन्म झाला.

मथुरा आणि वृंदावन श्री कृष्ण जन्मभूमी मध्ये जन्माष्टमी आठवडाभर साजरी केल्या जाते.

सिंगापूर येथील जन्माष्टमी पाहण्या लायक असते. सेरागून रोड येथिल श्री लक्ष्मी नारायण मंदिर येथे जन्माष्टमी मोठ्या प्रमाणात साजरी केली जाते. कृष्णा नामस्मरण करण्याची स्पर्धा सुध्दा येथे भरविल्या जातात.

जन्माष्टमी देशातील बहुंताश भागात साजरी केली जाते. त्या दिवशी उपवास रात्री बारा वाजता म्हणजे कृष्ण जन्माच्या वेळेस सोडला जातो.

गुजरात येथे द्वारकाधीश मंदिरात नजारा पाहण्या लायक असतो.

पाकिस्तान मधेय श्री स्वामीनारायण मंदिर कराची येथे सुध्दा जन्माष्टमी भजन कीर्तनासहित साजरी केल्या जाते.

मलेशिया बहुसंख्य मुस्लीम असून क्वालालंपूर येथे जन्माष्टमी साजरी केल्या जाते. या प्रसंगी अन्नदान सुध्दा मोठ्या प्रमाणात होते.

फ्रांस येथील पैरीस मधील मंदिरात दोन दिवस महोस्तव साजरा केला जातो. रात्री बारा वाजता श्री कृष्णास गंगाजलाने अंघोळ घालून विधिवत पूजा केली जाते.

४००० दहीहंडी पिकी मुंबई मधील काही महत्वाची दहीहंडीचे ठिकाणे गिरगाव,दादर,लोवर परेल,वरळी,माझगाव,लालबाग आणि बाबू गेनू मंडइ हे आहे. २००० पेक्षा जास्त गोविंदा पथक या मध्ये भाग घेतात. त्यांना रोख स्वरुपात बक्षीस देण्यात येते.

नेपाळ,कॅनडा या देशात सुद्धा मोठ्या प्रमाणात जन्माष्टमी साजरी केल्या जाते.

लंडन येथे जन्माष्टमी हि भक्तिवेदांत भवन येथे दोन दिवसात ६०००० लोक एकत्र येऊन साजरी करतात. बीटल जॉर्ज हर्रीसन यांनी हरी क्रिष्ण चळवळीस हे भवन १९७० मध्ये दान दिले होते.

Comments

comments

Previous ArticleNext Article

1 Comment

Leave a Reply

Your email address will not be published. Required fields are marked *

वाचा कोणत्या राशीचे लोक लवकर प्रेमात पडतात… 0

आजही भारतात कुंडली जुळल्याशिवाय लग्न होत नाही. राशीचा विचार केल्या जातो गुण जुळतात का ते बघितले जातात. चला आज बघूया कोणत्या राशीवाले पुरुष अथवा स्त्री लवकर प्रेमात पडते खासरे वर

मिथून राशी

ज्योतिष्य शास्त्रनुसार मिथुन राशीचे लोक लवकर प्रेमात पडतात. या लोकांबाबत असे म्हटले जाते की, या लोकांसोबत जर कुणी चांगल्याने बोललं तर, हे लोक त्यांच्याकडे आकर्षित होतात. हे लोक एकतर्फ़ी प्रेमात लवकर पडतात. या लोकांच्या प्रेमाबाबत सांगितलं जातं की, या राशीचे लोक आपल्या पार्टनर सोबत एकनिष्ठ नसतात.

कर्क राशी

कर्क राशींच्या लोकांबाबत बोललं जातं की, हे लोक आपल्या जोडीदाराप्रती एकनिष्ठ व विश्वासू असतात. हे लोक ज्यांच्यावरही प्रेम करता ते प्रेम ते इमानदारीने निभवतात. या लोकांशी जे लोक चांगले बोलतात ते लोक या राशीच्या लोकाना पसंत पडतात. तसेच, आपल्या पहिल्या प्रेमाला विसरणे या लोकांना अवघड असत.

कन्या राशी

या राशीचे लोक आपल्या पार्टनरपासून काहीही लपवत नाहीत. परंतु हे लोक हि अपेक्षा करतात कि त्यांच्या जोडीदाराने सुध्दा त्यांच्या पासून काहीही लपवू नये. या राशीचे लोक मुक्त विचाराचे असल्यामुळे अनेकदा हे फसतात. तसेच प्रेमभंग जास्त प्रमाणात या राशीच्या लोका सोबत होतो.

कुंभ राशी

कुंभ राशीचे लोकांना नेहमीच आकर्षणाचं केंद्रबिंदू राहण्यात आनंद मिळतो. लोकांनी यांच्याकडे दुर्लक्ष केल्यास त्यांना चांगलं वाटत नाही. जे लोक यांचं ऎकतात त्यांच्याशी यांचं चांगलं पटतं. त्यांच्या वर लोकाचे ध्यान नसल्यास त्यांना रागही लवकर येतो.

मीन राशी

मीन राशीच्या लोकांबाबत म्हटलं जातं की, हे लोक स्वभावाने भोळे असतात. त्यामुळे हे लोक कुणाच्या बोलण्यात येतात. कुणीही यांना बोलण्याने फसवू शकतं. या लोकांना स्वत:चं कौतुक ऎकणं आवडतं. त्यामुळे आपली रास हि असेल तर या गोष्टीपासून सावध राहणे आवश्यक आहे.

Comments

comments

वाळवंटाच्या मधात हे गाव बघून तुम्ही होसाल थक्क, सुंदरता अशी कि सोडावे वाटणार नाही गाव… 2

आपल्या डोक्याद वाळवंट म्हटले हि सर्वात पहिले येते ते म्हणजे रेतीचे मोठ मोठ ढीग आणि सुनसान जागा. परंतु निसर्ग हा नेहमी नवनवीन गोष्टी दाखवत असतो.

असाच एक निसर्गाची करामत बघयला मिळेल एका वालावंटात. गावचे नाव आहे समजेलच तुम्हाला. या गावाला बघितल्यावर त्याची प्रशंसा करणार नाही असा माणूस कुठेही दिसणार नाही.
एक वेळ माणूस या गावात गेला कि परत येणार नाही हे नक्की आहे.

दक्षिण पश्चिम पेरू मध्ये ICA सिटी जवळ एक सुंदर गाव आहे ज्याचे नाव आहे हुआकाचीना. जिथ पर्यंत दिसेल तिथपर्यंत सगळी कडे वाळूच दिसणार तुम्हाला. संपूर्ण बाजूने वाळावंत आणि मधात हे सुंदर गाव/
दूरदुरून लोक येथे सुट्ट्यामध्ये येतात. लाखो लोक इथे येतात आणि राहतात इथे पर्यटकाची जत्रा असते. परंतु या गावाची लोकसंख्या आहे फक्त ९६ लोक… हो फक्त ९६ लोक
या गावाती एक तलाव आहे ज्याचे सौंदर्य अवर्णीय आहे. लोक हे सुध्दा सांगतात कि या तलावातील पाण्यात औषधी गुणधर्म आहे यामुळे अनेक रोग दूर होतात.

शहरातील धावपळीच्या आयुष्यापासून पर्यटकांना इथे मिळते खरे समाधान मानसिक आणि शारीरिक. अनेक हॉटेल सुविधा इथे आहेत.
आणि रात्रीच्या वेळी सौंदर्य हजारोपटीने वाढते असे आहे हे गाव. जादूच्या नगरी प्रमाणे रात्री हे गाव सर्वाना दिसते.

Comments

comments

गणपती बाप्पा साठी करुया तेवीस प्रकारचे मोदक …!! 1

गणपती उस्तव सुरु झाला आहे. चला बघूया खासरे वर मोदकाचे प्रकार आणि तुम्ही सुध्दा हे घरी बनवू शकता…

१. पनीरचे मोदक : पनीरमध्ये साखर, काजू, किसमिस, वेलची पावडर भरून हे सारण रवा, मैद्याच्या पोळीमध्ये भरून तळून काढावे. हा मोदकाचा प्रकार मला दिल्लीला एका ठिकाणी खायला मिळाला.

२. खव्याचे मोदक : हा प्रकार तसा सगळीकडे दिसतो. यामध्ये खव्यात साखर, केशर घालून, भाजून साच्यात घालून मोदक करतात.

३. बेक केलेले मोदक : खोबरं, किसमिस, खव्याचे सारण मैद्याच्या सप्तपारीमध्ये भरून बेक करावे.

४. गूळ कोहळ्याचे मोदक : हा प्रकार विदर्भातील आतल्या गावातला. गूळ, लाल कोहळा व तेवढीच कणिक घेऊन एकत्र मळावे. मोदकाचा आकार देऊन मंद आचेवर तळावे.

५. पुरणाचे मोदक : पुरणाचे सारण मैद्याच्या पारीमध्ये भरून मोदक तळून घेतात किंवा वाफवूनसुद्धा घेतात.

६. फ्रुट मोदक : वेगवेगळया प्रकारची फळे मिक्स फ्रुट जॅममध्ये मिसळून हे सारण मैद्याच्या पारीमध्ये भरून मंद आचेवर तळून घ्यावे.

७. संदेश मोदक : पनीर, खवा, साखर, केशर, वेलची एकत्र मिक्सरमध्ये वाटून याचे मोदक साच्यामध्ये बनवून वाफवून घ्यावे.

८. मनुकांचे मोदक : मनुका, काजू एकत्र करून त्यात थोडी दूध पावडर घालून त्याचे मोदक वळावे.

९. तीळगुळाचे मोदक : गुळाचा पाक तयार करून त्यात भाजलेले तीळ घालावे व हे सारण कणकेच्या पारीमध्ये भरून मंद आचेवर तळावे. किंवा तीळ व गुळाचे जे सारण आहे ते थोडे गरम असतानाच साचामध्ये घालून त्याचे मोदक करावे. हा प्रकार यवतमाळ भागात करतात व तिळी चतुर्थीला याचा नैवेद्य दाखवतात.

१०. खोबरं मैद्याचे मोदक : हा मोदक प्रकार सर्व ठिकाणी आढळून येतो. रवा, खोबरं, खवा, साखर एकत्र करून हे सारण मैद्याच्या वाटीत भरून मंद आचेवर तळावेत.

११. मैद्याचे उकडीचे मोदक : मैद्याची पारी लाटून मध्ये कुठलेही गोड सारण भरून त्याचे वेगळ्या आकाराचे मोदक करावे व वाफवून घ्यावे. थोडक्यात मोमोज म्हणजेच मोदकासारखा एक प्रकार. ते ज्याप्रकारे करतात तसाच हा प्रकार करावा.

१२. कॅरामलचे मोदक : पनीर, खवा, काजू, किसमिस, साखर एकत्र करून त्याला मोदकाचा आकार द्यावा. हा मोदक साखरेच्या कॅरामलमध्ये बुडवून थंड करून सव्र्ह करावा.

१३. काजूचे मोदक : काजू कतलीचे सारण घेऊन या मध्ये खवा, खडीसाखर भरून याला मोदकाचा आकार द्यावा.

१४. फुटाण्यांचे मोदक : फुटाणे बारीक करून त्यात साखर व तूप घालून चांगले मळावे या पिठाला मोदकाचा आकार द्यावा. हा प्रकार गरम न करता चटकन होणारा प्रकार आहे.

१५. तांदळाचे गुलकंदी मोदक : तांदळाच्या उकडीमध्ये गुलकंदाचे सारण भरून हे मोदक मंद आचेवर तळा किंवा वाफवून घ्या.

१६. पोह्यांचे मोदक : पोहे चांगले भिजवून त्याचा गोळा मळावा. त्यामध्ये आपल्याला हवे ते सारण भरून मंद आचेवर तळावे.

१७. चॉकलेटचे मोदक : खवा, खोबरं, दाणे बारीक करून मळून घ्या. त्यानंतर याला मोदकाचा आकार द्यावा. व एकेका मोदकाला हॉट चॉकलेट सॉसमध्ये बुडवून थंड करून सव्र्ह करा.

१८. दाण्यांचे मोदक : गूळ आणि दाणे एकत्र करून त्यात काजू, किसमिस घालावे व उकडलेला बटाटा व साबुदाण्याच्या पिठाच्या पारीमध्ये भरून तळून घ्यावे.

१९. बटाटयांचे मोदक : बटाटय़ामध्ये खवा, साखर, काजू, किसमिस घालून त्याचा हलवा बनवावा व साच्यामध्ये घालून मोदक करावे. वरून दुधाची पावडर लावावी.

२०. पंचखाद्याचे मोदक : पंचखाद्य एकत्र करून हे सारण मैद्याच्या पारीत भरून डीप फ्राय करा.

२१. बेसनाचे मोदक : बेसनाच्या लाडवाच्या सारणाला साच्यात घालून मोदकाचा आकार द्यावा व मधे एक एक काजू भरावा.

२२. डिंकाचे मोदक : डिंक तळून डिंकाच्या लाडवाचे मिश्रण करावे. हे मिश्रण कणकेच्या पारीमध्ये भरून मंद आचेवर तळून घ्यावे.

२३. उकडीचे मोदक : तांदळाची उकड तयार करून त्यात ओलं खोबरं व गूळ याचे सारण भरून मोदकाचा छान आकार देऊन वाफवावे. हा प्रकार कोकणात चाखायला मिळतो.

Comments

comments

%d bloggers like this: